Nordroid

For ei lita stund tilbake lanserte Samsung deira fyrste Androidtelefon her i Europa, Samsung Galaxy. Amerikanarane fekk derimot ikkje sjå noko til denne telefonen på den andre sida av pytten. Det dei derimot ser ut til å få er Samsung Galaxy Lite som òg vert kalla Samsung Spica.

Galaxy Lite er ein lettvektversjon av Galaxy. Den kjem til å vere noko billigare enn Galaxy, men det går òg utover nokre av spesifikasjonane til telefonen. Til dømes kjem han berre med 100 MB internt minne, nokos om er litt skuffande. Dei fleste Androidtelefonane kjem no med 256MB og med tanke på at det var snakk om at G1/HTC Dream ikkje kom til å få Donut fordi det interne minne var for lite, gjer at 100 MB verker litt stusseleg.

Bloggen ai.rs har fått tak i eit testeksemplar av telefonen som dei viser fram i ein video. Det er korkje installert minnekort i telefonen, så ein får ikkje sjå korleis telefonen handsamar større datamengdar. Jo meir fylt opp minne vert, jo treigare vil telefonen verke. Sjølv om det ser ut til at Android kjører fint, kan han verte treig når ein har installert nokre applikasjonar på telefonen.

Logoen til bloggen dekkjer over noko dei ikkje kan vise deg forklarer dei i blogginnlegget som høyrer med videoen.

[via Phandroid]

Relaterte nyheter:

1. Samsung annonserer fyrste Androidmobil til USA
2. Samsung med ny Androidtelefon
3. Samsung satsar på Android
4. Første LG-Android på video
5. Ny video av Odroid