Nordroid

For ei god stund tilbake skreiv Nordroid om HTC Dragon, som òg vart kjend under namnet HTC Passion. Telefonen skulle visstnok kjøre Qualcomm sin Snapdragonprosessor som har vorte nemnt i lanseringane av mange telefonar.

Snapdragon har ein standard klokkesnøggleik på 1GHz, noko som er det raskaste til no på telefonar. Androidtelefonar ser verkeleg ei rask framtid i møte med denne prosessoren, som ikkje har noko verdig motstandar til no.

Det har no lekkja ut eit bilete av det som skal vere eit skjermbilete av Passion/Dragon. Kjelda, som òg tok biletet, seier at telefonen skal lanserast i midten av november. Då er det sjølvsagt snakk om Amerika, men sidan det er HTC det er snakk om, kan det vere at me ser telefonen i Europa òg på ca same tid.

Det einaste problemet kan vere at det er telefonoperatøren Verizon som skal føre mobilen i USA og Verizon kjører på CDMA-nettet, i staden for GSM som ein bruker i Europa. Det kan føre til forsinkingar før telefonen vert lansert på denne sida av pytten.

[via Phandroid &http://nordroid.no.nyud.net/2009/11/http://nordroid.no.nyud.net/2009/11/; BGR]

Relaterte nyheter:

1. Kjem det fleira Droid-ar?
2. Er det ei leppe, er det Android