Nettstaden Tinhte.com har fått tak i ein prototype av Dell Streak. Dell Streak er ein Mobile Internet Device som kjører Android Èclair, altså Android 2,0. Det ser òg ut som Dell har gjort nokre endringar i grensesnittet til Android, slik at det passer betre med formfaktoren.

Streak har ein 5-tommars skjerm med ei oppløysning på 800×480 pikslar. Bakpå finn ein eit 5 megapiksels kamera med to LED-blitzar og på fronten eit mindre kamera for videosamtalar. Det er òg støtte for microSD-kort, slik at ein kan utvide lagringsplassen.

Det er rykta at enheten kjem til å verte lansert på den amerikanske marknaden i starten av 2010. DailyTech.com trur likevel at Streak kjem til å kome til fleire land sidan prototypen visstnok skal vere merka med “US”.

Det som er litt merkeleg er at Streak er sagt å vere ein MID, men på eit av bileta kan ein tydeleg sjå at det er eit inkomande anrop. Det er òg dekningsindikatorar øvst på skjermen. Til høgre for skjermen er det òg tydeleg eit hol til ein høgtalar, som sit veldig fint til om ein held Streak opp til øyret.

Relaterte nyheter:

1. Dell kastar seg på Androidbølga

Ein påstått prototype av ein av Androidtelefonane til Dell

Det har lenge vore rykter om at Dell skulle kome med smarttelefonar. Det vart spekulert om dei kom til å gå for Windows Mobile, eller som dei skulle velgje Android. Dei ser ut til å veld Android og har planar om å lansere den fyrste telefonen i fyrste kvartal av 2010.

I følge kjelden som visstnok er sentral i planleggjinga av utrullinga skal mobilen verte lansert i Europa, men spesifikke land vert ikkje nemnt. Om han kjem til Noreg er difor usikkert og lite sannsynleg. På grunn av den avgrensa merknaden her på berget, må nok nordmenn plannleggje import om dei har lyst på mobilen frå den store PC-produsenten.

Det er òg snakk om at telefonen skal lanserast under mobiloperatøren AT&T i USA. Dette vil då verte den andre Androidtelefonen til AT&T som i tillegg har oPhone på marknaden. oPhone er derimot ikkje ein utfordrar til korkje iPhone eller eventuelle Dell-telefonar på grunn av mangelen på 3G og Wifi.

[via ITProPortal]

Relaterte nyheter:

1. Dell med MID som kjører Android