Det har vorte rette uro mot Motorola sitt val å bruke ein 3,2-tommars skjerm på ein Androidtelefon, ettersom mange tykkjer at 3,2 tommar, som er på dei fleste i dag, er lite nok samanlikna med iPhone sine 3,5 tommar. Sjølv om det kanskje ikkje høyrer mykje ut, utgjer det ganske mykje når du ført sitt med telefonen i handa.

CNET posta nyleg ein video kor dei går gjennom telefonen og fortel litt om korleis MOTOBLUR verker og korleis designet kjennes når ein sit med det i handa. T-Mobile G1 eller HTC Dream er kjend for den billige kjensla, noko som på mange måtar gav eit dårleg fyrsteinntrykk av Android, men Motorola bringer ikkje skam over Android med Cliq skal me tru CNET.

Det er òg snakk om at Cliq kjem til Europa på eit seinare tidspunkt, men då under namnet Dext. Om det kjem til å skje får berre tida vise.

CNET sin gjennomgang av Motorola Cliq:

Relaterte nyheter:

1. Motorola Cliq/Dext vert kalla den beste Android-mobilen
2. Cliq for USA, Dext for Europa
3. 10 Android-telefonar på 10 månader

No kan derimot Phandroid melde at den same prognosen har komt tilbake. Denne gongen i litt meir moderate mengdar. Trip Chowdhry frå Global Equities Research spår no at Motorola kjem til å sleppe 10 Android-telefonar i løpet av dei neste seks til ti månadene. Sjølv om dette høyres mykje ut, er det ikkje umogleg. Motorola har allereie to nye telefonar som til no berre er rykter: Motorola Calgary og Motorola Heron.

Motorola Cliq/Dext

Sjølv om Motorola har sagt at dei i tida framover kjem til å fokusere neste alt på Android og Android-telefonar, er det ikkje usannsynleg, likevel er kanskje 10 telefonar i overkant mykje. Det som kanskje er meir sannsynleg er 5 telefonar over den same tidsperioden.

Trur de at det kjem ein flom av Android-baserte Motorola-telefonar.

Relaterte nyheter:

1. Motorola Cliq/Dext vert kalla den beste Android-mobilen
2. Cliq for USA, Dext for Europa
3. Motorola Cliq får skryt

Nettstaden DVICE erklærte nettopp at Motorola Cliq/Dext er den beste Android-telefonen som til no har vorte laga. Dei har likevel eit atterhald: det er ikkje så mange Android-telefonar på marknaden og dei fekk kun ein time til å leike med telefonen.

Noko av det som gjer at dei tykkjer mobilen er den beste Android-mobilen til er teknologien som Motorola puttar bak grensesnittet. Ved hjelp av automatisk henting av data og informasjon frå fleire kjelder, tar MOTOBLUR seg av alt det som ikkje har å gjere med ringing.

Grunntanken bak MOTOBLUR er at ein ikkje skal trenge å gå til fleire nettstadar, applikasjonar eller kjelder for å halde seg oppdatert. MOTOBLUR gjer dette for deg og samler alt på ein stad. Ein treng heller ikkje å logge seg inn overalt, MOTOBLUR spør etter innloggingsinformasjonen til e-post, sosiale medier osv ein gong og held deg oppdatert deretter.

Som me tidlegare har nemnt er Motorola ganske avhengige av at deira satsing på Android går bra, ettersom selskapet har økonomiske problemer og slit med å vise noko anna enn store raude tall.

Her er promoteringsvideoen Motorola nyleg slapp for Cliq/Dext:

Relaterte nyheter:

1. Cliq for USA, Dext for Europa
2. Motorola Cliq får skryt
3. Motorola sin neste Android-telefon i Oktober

Eit fleirtal av gratis applikasjonar

AndroLib.com, som er ei side som let deg sjå applikasjonane på Market i nettlesaren din, kunne for ikkje lenge sidan kunngjere at Android Market på mange måtar har nådd sin fyrste milepæl. Det er no posta over 10.000 applikasjonar på Market.

På AndroLib er det òg mogleg å få statistikk over applikasjonsveksten og fordelinga på dei ulike karakterane og kor mange nedlastingar som har vorte gjort.

Sjølv om 10.000 kanskje høyrest ut som mykje, er det likevel ikkje så mykje samanlikna med App Store på iPhone som har over 76.000 applikasjonar. Men ein må derimot hugse at App Store er over 2 år gammal, medan Market enno ikkje har vore tilgjengeleg eit år.

Paien over viser fordelinga mellom gratisapplikasjonar og betalapplikasjonar. Som de kan sjå er det eit godt fleirtal av gratisapplikasjonar. Dette er kanskje ekstra morosamt for oss her på berget, som ikkje har tilgang til betalapplikasjonar – enno.

Ein del utviklarar har klaga at salet av applikasjonar på Market ikkje er like bra som det på App Store og dei ser difor ikkje poenget i å utvikle for Android. Dei klagar òg på at brukarar kan levere applikasjonen tilbake innanfor 24 timar, utan å måtte betale for han.

Sjølv om salet på Android Market er dårlegare enn App Store, er det likevel urettferdig å samanlikne dei to. Betalapplikasjonar på App Store er tilgjengeleg i store delar av verda, medan betalapplikasjonar på Market berre er tilgjengeleg i eit par utvelde land. Ein treng ikkje å vere rakettforskar for å skjøne at marknaden er mykje mindre for betalapplikasjonar på Market.

Ein annan faktor som ser ut til å verke inn på salet er at Android-brukarar ikkje er like villige til å betale for applikasjonar. Mange av dei som fram til no har brukt Android har vore “nerdar” og teknologiinteresserte og denne gruppa er forkjemparar for den opne plattformen og er difor ikkje interesserte i noko form for avgrensa applikasjonar.

Dette kan likevel endre seg no som Android vert meir “folkeleg” med HTC Hero, Tattoo og Motorola Dext, kjem det ei ny brukargruppe som ikkje kjøper ein mobil med Android, men ein telefon med bra utsjånad og eit kult grensesnitt. Denne gruppa er på mange måtar den same gruppa som kunne kjøpt seg ein iPhone og desse kan òg vere meir villige til å betale for ein applikasjon.

Klarer ein å få opp volumet på mengda kjøp av betalapplikasjonar med den nye brukargruppa, kan ein kanskje klare å lokke utviklarar av betalapplikasjonar tilbake til iPhone.

Relaterte nyheter:

1. Vil det verte deling på Market?
2. Oppussa versjon av Market kjem
3. Motorola Cliq/Dext vert kalla den beste Android-mobilen

Sjølvsagt er det alltid kjekt, morosamt og interessant med nye Android-enhetar, men kan utviklarane støte på eit problem? Kva med maskinvaren? Den varierer med ulik grad frå enhet til enhet. Kjem det til å verte eit problem for utviklarar? Ikkje minst; kva med brukarane av Android?

Den amerikanske nettsida AndroidGuys.com stilte problemstillinga om Market kjem til å verte delt når det kjem mange ulike Android-enhetar med ulike maskinvarespesifikkasjonar. Spesielt sidan ein dei siste dagane har vorte servert mange nye telefonar, med særskilt ulik maskinvare.

HTC Tattoo har to faktorar som skaper uro hjå utviklarar og Android-entusiastar som er redde for at nykommarar skal skremmast bort. Tattoo kjem ikkje med fingevenleg rørsleskjerm, men med trykkfølsom skjerm som ein oftast kjenner frå HTC sine Windows Mobile-telefonar. Det tyder med andre ord ein må bruke ein stylus/peikepenn.

Tattoo kjem òg med ei låg oppløysning 320×240 pikslar. Andre Anrdroid-enhetar har kome med 420×320, noko som er ein del større. Mange spør seg korleis applikasjonar kjem til å verte på telefonen, ettersom dei er lagde for ein skjerm med høgare oppløysning.

Både HTC Tattoo og Motorola Cliq/Dext kjem utan den særeigne  styrekula som har vorte nærast synonym med Android. Spørsmålet er om utviklarar må ta hensyn til at retningsknappar er annleis å bruka enn ei styrekule.

Korleis kjem framtida til Market å verte dersom utviklarar lagar applikasjonar som berre verker på ein viss maskinvare, fordi dei treng ein viss skjermstorleik eller ein viss prosessorsnøggleik for å få programmet til å drive skikkeleg? Kan det vere at ein ser fleire utgåver av same applikasjon, men for ulike enhetar? Kanskje ein får utgåver av den same applikasjonen som er reinska for avanserte funskjonar for å verke på meir primitive enhetar.

Det som kan verte avgjerande for heile denne problemstillinga er kor strenge Google vert på skjermoppløysningar. Om Google ender opp med å støtte ei stor mengd ulike oppløysningar som ikkje har same sidetilhøve, kan ein få same situasjonen som ein har Windows Mobile, kor det er vanskeleg å lage ein applikasjon som kan kjørast fint på alle enhetar.

Relaterte nyheter:

1. Over 10.000 applikasjonar på Market
2. Ny informasjon om HTC Tattoo
3. Med Hero berre ein månad på marknaden kjem HTC med Tattoo

Det Motorola kunne fortelje kort tid etter presentasjonen var at dei kjem til å lansere Cliq for konsumentar utanfor USA òg, meir presist Europa og Sør-Amerika. På denne sida av pytten heiter derimot telefonen ikkje Cliq, Motorola har veld å gje han namnet Dext.

Det ser ut til at Dext kjem til å verte sluppe i Storbritania fyrst, men Motorola lova slepp ut i andre delar av Europa òg. Det vart ikkje nemnt nokon land spesifikt, men faren er stor for at ein må sjå langt etter Dext her i Noreg – som vanleg.

Likt som med Cliq har ikkje Dext noko sleppdato, dette skal dei kunngjere på eit seinare tidspunkt. Dei nemnte at det var Orange som kom til å distribuere telefonen i Storbritania, noko som ofte fører til at ansatte røper sleppdato før Motorola ynskjer det.

Cliq/Dexter vert av mange rekna som den siste sjansen til Motorola å halde seg i livet. Den amerikanske mobilprodusenten har slite etter sine stordomsdagar på 90- og tidlige 00-talet. Selskapet har dei siste åra slite med økonomien og har bare presentert raude tal, utan noko form for lysning i sikte.

På ryktebørsen har det vore snakk om at Motorola kan ha hatt så mange som 300 ansatte til å jobbe med Android det siste året. Sjølv om talet heilt sikkert ikkje er så høgt, er det likevel ein virkeleg stor arbeidsstyrke om nummeret skulle vere i nærleiken av det.

Ein annan konklusjon som kan trekkast fra påstanden om Motorola si store satsing på Android kan vise at dei verkeleg gjev alt i eit siste forsøk på å overleve i ein bransje med hard konkurranse.

Relaterte nyheter:

1. Motorola Cliq/Dext vert kalla den beste Android-mobilen
2. Motorola Cliq får skryt
3. 10 Android-telefonar på 10 månader