Leggje til ein ny kontakt? -Ikkje noko problem

Ein av funksjonane som ikkje får så mykje oppmerksemd er støtta for rørsler eller gestures på engelsk. Rørsler lèt deg kontrollere telefonen eller gjere visse oppgåver berre ved å “teikne” ein figur eller mønster på skjermen. Dermed slepp ein kanskje fleire tastetrykk og det er lettare å få ting gjort fort.

Ein av dei fyrste tankane som kanskje slår deg er at det kan verte vanskeleg å hugse alle dei ulike mønstera for dei ulike oppgåvene, men om dei vert gjort logiske nok er det ikkje noko problem å hugse dei. Ein kan til dømes gjere slik som vist på bilete: ved å teikne eit plussteikn i kontaktlista vert vindauget for å leggje til ein ny kontakt automatisk opna. Denne rørsla kunne òg tyde det same om ein såg på lista over samtaler. Då kunne ein til dømes fått opp ein meny som viste alle nummera som ikkje er lagra i kontaktlista  og vèl eit for å leggje det til.

Utviklarar har òg sjølvsagt fått tilgang til å utnytte den innebyggja støtta for rørsler, noko som gjer det enkelt å implementere det i applikasjonane deira. Med eit vert det opna ei rekkje med moglegheitar for ulike applikasjonar som til dømes kan tilby universelle rørsler som kan utførast uansett kvar ein er på telefonen. Med eitt kan til dømes eit teikn som likner på ein høgreparantes (”)”) tyde det same som det grøne hornet på telefonen.

Kva moglegheitar ser de føre dykk?

Relaterte nyheter:

1. Brukarar kan velgje kvar QSB skal søke

Ein kan byte deksel på HTC Tattoo

Nordroid har skrive om HTC Tattoo før, kor me gjekk meir i detalj om telefonen, men det som derimot er interessant no, er at HTC har gjort meir detaljar offentlege. På deira britiske nettsider står det at telefonen vil kome til å ha versjon 1.6 av Android, òg kjent som Donut. Det vil gjere at telefonen drar nytte av ein heil del funksjonar som Google har putta i den siste utgåva av operativsystemet.

HTC Tattoo kjem òg til å ha HTC Sense, grensesnittet som ein tidlegare har sett på HTC Hero og som sikkert kjem til å verte ein gjengangar på HTC sine Android-telefonar. I tillegg til Donut-informasjonen kunne òg HTC fortelje at Tattoo kjem med innebyggja FM-radio. Dermed kan ein høyre på radio, utan noko form for hovudtelefonar eller øyreproppar i telefonen (om ein ynskjer å dele lyden av P4 med resten av bussen).

Relaterte nyheter:

1. HTC Tattoo kjem i oktober
2. Video av HTC Tattoo
3. Fleire bilete av HTC Tattoo

Ein av dei mest populære tinga å gjere Android-telefonar er å få såkalla root-tilgang, altså få tilgang til alle funksjonar på telefonen, noko som tilsvarer det som vert kalla jailbreaking på iPhone.

Med root-tilgang har ein òg høve til å installere såkalla ROM-ar på telefonen. ROM-ar er filer som inneheld operativsystemet på telefonen. Det finnst både dei offisielle ROM-ane frå Google og dei offisielle modifiserte ROM-ane frå HTC og Motorola. Det finnst òg eit hav av modererte ROM-ar frå samfunnet rundt Android-telefonane. Då er det anten einskildpersonar eller ei gruppe med personar som har laga eigne modifikasjonar på ROM og slepp, slik at andre òg kan bruke han.

Desse samfunns-ROM-ane har ofte funksjonar som er lagt til, kodeoptimalisering slik at Android er raskare eller andre ting som personane bak ROM-en tykkjer er viktig. Cyanogen har ein slik ROM kor han inkluderer dei nye funksjonane som kjem i 1.6-versjonen av Android. Google legg ut dei nye kodesnuttane til Donut etter kvart som dei er ferdige. Cyanogen tek desse kodane og legg dei til i ROM-en hans.

I den siste ROM-en til Cyanogen har han lagd til den siste versjonen av Android-marknaden, slik at dei av dykk som ynksjer å få tidlig tilgang kan derfor installere Cyanogen ROM-en og få ein snikkikk på Donut. Du finn meir informasjon på heimesida til Cyanogen.

Ingen relaterte nyheter.

Nordroid har tidlegare skrive om dei nye funksjonane som kjem i den nye versjonen av Android, kor Quick Search Box (QSB) vart nemnt, men ikkje med dette namnet. I artikkelen skildra med i korte trekk korleis QSB søker gjennom alt som er på telefonen av kontaktar, e-postar, meldingar, tillegg til å søke på veven etter treff.

QSB kan òg søke gjennom applikasjonar, om utviklaren har lagt til støtte for dette. Dette høyrest kanskje ut som fantastisk, med tanke på at ein til dømes ikkje treng å starte ordbokapplikasjonen for å søke etter tydinga til ambivalent er, ein kan berre dra opp QSB og søke derifrå.

Eit problem som Phandroid derimot ser føre seg, er at ein prøver å bruke QSB, men søkeresultata vert overflauma av resultat i kokebokapplikasjonen som du ikkje bruker særskild ofte og som du ikkje er interessert i resultat frå.

Google har heldigvis tenkt på dette og har lagt til nokre val til QSB. I vala kan ein velgje kor QSB skal hente resultata, slik at ein kan ekskludere kokebokapplikasjonen eller ein kan ta bort alle treffa som vert funne på veven.

Ein annan interessant funksjon er at applikasjonar som ein vel å leggje til i QSB-databasen, slik at dei vert søkbare, ikkje vil gje resultat på toppen av lista. Dei vil heller hamne blant “Flere treff…” nedst på skjermen. Om ein vel treff frå applikasjonen fleire gonger vert han prioritert og vil hamne lenger opp på lista over tid.

Ordboka har ikkje auka i rang enno...

Ingen relaterte nyheter.

Android 1.6, òg kalla Donut, kjem med mange nyhender som vil gjere brukaropplevinga med Android betre. Google har lagt mykje arbeid ned i optimalisering og fartsauke.

Ein av dei nye funksjonane er eit universelt søk. Det nye universelle søket fungerer på mange måtar på same måten som det ein kan finne på iPhone. Alt ein trenger å gjere er å hente fram søkefeltet på heimeskjermen og byrje å skrive. Android vil med ein gong starte å føreslå kva du leiter etter både på veven i tillegg til innhald på telefonen, som kontaktar, musikk og informasjon frå applikasjonar.

Nytt grensesnitt for kameraet

Kameraapplikasjonen har òg fått litt handsaming. Utviklarane seier at sjølve kameraapplikasjonen no er 39% raskare. Tida som går mellom kvar gong ein tar eit bilete er òg korta ned med 28%. Som om det ikkje var nok har grensesnittet òg fått ei overhaling.

Det har òg vore klagar på batteria i Android-telefonar. Det har vorte rapportert at batteri døyr for eller at dei fort går tomt for straum. I Donut har det komt ein oversikt over kor stort straumforbruket til dei ulike applikasjonane er, slik at ein kan kvitte seg med dei applikasjonane som er grådige om ein vil spare på batteriet.

Andre ting som har vorte oppdatert er sjølvsagt Market, som har fått eit nytt grensesnitt, som me har skrive om før.. Det har òg vorte lagt inn støtte for fleire skjermoppløysningar (320×240 og 800×480). Utviklarar kan òg leggje med informasjon i applikasjonen kva skjermoppløysningar han støtter.

For litt visuell tilfredsstilling, sjå videoen som raskt demonstrerer Android “Donut” 1.6.

Alle endringar og nyhender i Android 1.6 kan ein sjå på developer.android.com.

Ingen relaterte nyheter.

Det fyrste som fall ein inn med det nye designet er kor fargerikt det har vorte. Den nye versjonen har i staden for den keisame  svarte utsjånaden vorte spraylakkert med fargar og kvit bakgrunn. Det heile ser kort sagt mykje betre ut og ser meir gjennomført ut. I tillegg har “Apps”, “Games” og “Downloads” vorte flytt til toppen av sida, i staden for i ein listemeny.  Dermed vert det enda betre plass til applikasjonar.

Ein annan velkomen nyhende er dei nye funksjonane som vert lagd til . Utviklarar vil no ha høve til å laste opp skjermdump av applikasjonane sine, slik at kjøparane kan få sjå korleis han ser ut før dei eventuelt kjøper applikasjonen.

Google kunne òg fortelje at dei kjem til å leggje til nokre nye underkategoriar. Dei fire nye kategoriane er “Health” (Helse), “Sports” (Sport), “Themes” (tema, som i utsjånad) og “Comics” (teikneseriar).

Mange har etterlyst nokre nye kategoriar. Populariteten rundt å lage alternativ til heimeskjermen vart ikkje føresedd av Google. Market har i kjølvatnet av dette vorte overflomma av tema til desse alternative heimeskjermane.

Den nye versjonen av Android Market kjem til å vere med i 1.6-utgåva av Android, kanskje meir kjent som Donut.

Relaterte nyheter:

1. Tidlig tilgang til den nye marknaden
2. Over 10.000 applikasjonar på Market