Det einaste som vert kreva av telefonen er at han kjører Èclair og at telefonen er ein såkalla “Google experience”-telefon. I USA kjem “Google experience”-telefonar med påskrifta “with Google” på baksida. Ein “Google experience”-telefon er ein Androidtelefon som kjem med Google sine eigne applikasjonar: Gmail, Maps, Calendar, Market og no Maps Navigation.

Google Maps Navigation tar i bruk alle funksjonane til Maps. Det tyder at du kan sjå kartet i vanleg modus eller du kan sjå satelittbilete av kartet, slik at du lettare kjenner deg att. Det går òg an å slå på “Street View” som viser bilete tatt på bakkenivå. Street view er derimot berre tilgjengeleg i utvelde byar og nesten ikkje i det heile i Noreg.

Det er òg mogleg å få trafikkoppdateringar, kor ein kan sjå kvar det er kø og kvar det er raskast å kjøre. Du kan få Maps Navigation til å søke opp alternative ruter som kjører om køen, slik at du kan spare tid, sjølv om det er lengre å kjøre.

Slik som dei fleste nyare GPS-enhetar har òg Google Maps Navigation moglegheit til å vise restaurantar, bensinstasjonar, hotell og liknande i nærleiken eller langs ruta, slik at ein lett kan finne ein stad å stoppe. Ein annan fordel er at det er mogleg å søke ved å snakke til applikasjonen. Dette kjem ikkje til å verke på norsk diverre.

Relaterte nyheter:

1. Google med GPS-applikasjon?
2. Kjem Google med eigen telefon?
3. Milestone – Droid for Europa

Det ser no ut til at det har vorte meir grunnlag for ryktet. Då Motorola la ut den fulle lista over spesifikasjonane til Droid var ein av Googletenestane som skulle inkluderast “Google Turn-by-Turn Navigation”. Dei fleste antok dette å vere løysninga ein får i Google Maps-applikasjonen kor ein får lagt opp reiseruta og det viser punkt kor ein skal svinge.

Bilete frå spesifikkasjonslista hjå Motorola

Ein tipsar har sagt til Androidbloggen Phandroid.com at TBT-navigasjon kjem til å lanserast med Motorola Droid og kjem til å verte inkludert med alle telefonar som kjører Android 2,0. Dermed kan det sjå ut som GPS-applikasjonane til iPhone kan få hard konkurranse.

Kvaliteten på applikasjonen frå Google vil ha mykje å seie på kor konkurransedyktig han vil vere mot GPS-applikasjonane på iPhone og Android. Likevel vil det kanskje vere bra nok for einskildpersonar som berre skal finne fram til huset kor festen skal vere.

Tipsaren til Phandroid har ikkje sett TBT-navigasjonsapplikasjonen kjøre, men då artikkelforfattaren spurde om det ville vere like avansert som ein GPS-enhet svarte tipsare “99.99999% sikker”. Ein kan trygt seie at Motorola Droid har vorte litt kulare med ein gong.

Relaterte nyheter:

1. Google Maps Navigation – GPS innebyggja i Android
2. HTC kjem raskt tilbake
3. Meir om Droid