Dell med MID som kjører Android

Jon Stødle — Fri, 23 Oct 2009 19:40:22 +0000

Nordroid har tidlegare skrive om komande MID-ar som kjører Android. For ei stund tilbake skreiv me om det franske firmaet eviGroup som viste fram deira MID kalla Wallet, som kjørte Android.

Nettstaden Tinhte.com har fått tak i ein prototype av Dell Streak. Dell Streak er ein Mobile Internet Device som kjører Android Èclair, altså Android 2,0. Det ser òg ut som Dell har gjort nokre endringar i grensesnittet til Android, slik at det passer betre med formfaktoren.

Streak har ein 5-tommars skjerm med ei oppløysning på 800×480 pikslar. Bakpå finn ein eit 5 megapiksels kamera med to LED-blitzar og på fronten eit mindre kamera for videosamtalar. Det er òg støtte for microSD-kort, slik at ein kan utvide lagringsplassen.

Det er rykta at enheten kjem til å verte lansert på den amerikanske marknaden i starten av 2010. DailyTech.com trur likevel at Streak kjem til å kome til fleire land sidan prototypen visstnok skal vere merka med “US”.

If you can see this, then you might need a Flash Player upgrade or you need to install Flash Player if it's missing. Get Flash Player from Adobe.

Det som er litt merkeleg er at Streak er sagt å vere ein MID, men på eit av bileta kan ein tydeleg sjå at det er eit inkomande anrop. Det er òg dekningsindikatorar øvst på skjermen. Til høgre for skjermen er det òg tydeleg eit hol til ein høgtalar, som sit veldig fint til om ein held Streak opp til øyret.

Relaterte nyheter:

Dell kastar seg på Androidbølga

Wallet – ein fransk MID med Android

Jon Stødle — Fri, 25 Sep 2009 16:15:21 +0000

Det franske selskapet eviGroup kunngjorde på onsdag at dei kjem til å lansere ein MID (Mobile Internet Device) med Android som operativsystem. MID-en kjem i hovudsak til å merkes med andre varemerker enn eviGroup. Dei legg opp til at mobiloperatører og PC-produsenter merker enheten med deira logo og sel han gjennom sine kanalar. Likevel rekner eviGroup med at ein kjem til å sjå Wallet, som MID-en vert kalla, i butikkar i slutten av 2009, starten av 2010.

eviGroup kunngjorde og spesifikkasjonane til Wallet, som ikkje tek heilt av, men dei er likevel meir gode nok til å kjøre Android:

5-tommars skjerm
800 x 480-oppløysning
CPU Samsung 6410 ARM 11to 533/667MHZ
Android (versjon ukjend, truleg Donut på grunn av oppløysning)
Kamera (megapisklar ukjend)
8GB internt minne
MiniSD
2 USB-portar
3.5mm-jack
Wi-Fi
GPS
3G

eviGroup samanlikner Wallet med iPhone opp til fleire gongar. Det dei trekk fram er sjølvsagt den store skjermen (5 tommar, mot iPhone sine 3,5) og at lysstyrken er god, slik at ein kan bruke Wallet ute sjølv om sola skin. Dei fortèl òg at Wallet er noko tjukkare enn iPhone, men det er på grunn av at dei ikkje vil at Wallet skal verte varm når du kjører tunge program eller ser på video.

eviGroup la òg ut ein presentasjon av Wallet, men han er diverre på fransk, så med mindre du følgte med på ungdomsskulen vil du slite med å skjøne kva dei eigentleg viser fram. Det finnst heldigvis eit fullt transkript av presentasjonen på hypranet.org.

If you can see this, then you might need a Flash Player upgrade or you need to install Flash Player if it's missing. Get Flash Player from Adobe.

[via Phandroid]

Relaterte nyheter: