Android 1.6, òg kalla Donut, kjem med mange nyhender som vil gjere brukaropplevinga med Android betre. Google har lagt mykje arbeid ned i optimalisering og fartsauke.

Ein av dei nye funksjonane er eit universelt søk. Det nye universelle søket fungerer på mange måtar på same måten som det ein kan finne på iPhone. Alt ein trenger å gjere er å hente fram søkefeltet på heimeskjermen og byrje å skrive. Android vil med ein gong starte å føreslå kva du leiter etter både på veven i tillegg til innhald på telefonen, som kontaktar, musikk og informasjon frå applikasjonar.

Nytt grensesnitt for kameraet

Kameraapplikasjonen har òg fått litt handsaming. Utviklarane seier at sjølve kameraapplikasjonen no er 39% raskare. Tida som går mellom kvar gong ein tar eit bilete er òg korta ned med 28%. Som om det ikkje var nok har grensesnittet òg fått ei overhaling.

Det har òg vore klagar på batteria i Android-telefonar. Det har vorte rapportert at batteri døyr for eller at dei fort går tomt for straum. I Donut har det komt ein oversikt over kor stort straumforbruket til dei ulike applikasjonane er, slik at ein kan kvitte seg med dei applikasjonane som er grådige om ein vil spare på batteriet.

Andre ting som har vorte oppdatert er sjølvsagt Market, som har fått eit nytt grensesnitt, som me har skrive om før.. Det har òg vorte lagt inn støtte for fleire skjermoppløysningar (320×240 og 800×480). Utviklarar kan òg leggje med informasjon i applikasjonen kva skjermoppløysningar han støtter.

For litt visuell tilfredsstilling, sjå videoen som raskt demonstrerer Android “Donut” 1.6.

Alle endringar og nyhender i Android 1.6 kan ein sjå på developer.android.com.

Ingen relaterte nyheter.

Anmeldelsane av HTC Hero seier stort sett ikkje noko anna enn at det er ein formidabel god mobil og at det er lite utsetje på han – utanom ein ting: han kan til tider vere litt treg.

Når ein skal til dømes byte mellom dei ulike skjermane kan Hero av og til trenge eit sekunds ventetid. Sjølv om det kanskje ikkje høyrest så mykje ut, er det likevel litt irriterande når ein må vente på at ting skal skje.

No har endeleg HTC gjort seg ferdige med kodinga og sluppe ein nordisk oppdatering som skal fikse desse “problema”. Oppdateringa verker kun på Hero-telefonar som er selde i norden.

Oppdateringa finne ein på kundesørvissidene til HTC. Nedlastinga finn ein heilt nedst på sida.

Bilete av laihiu

Relaterte nyheter:

1. Èclair kjem til helten din
2. HTC legg ut kjeldekoden til HTC Hero