Softpedia tweeta for ei stund tilbake at Sony Ericsson kom til å gjere ei annonsering i november. Det ser ut til at ein no kan sjå fram til ei annonsering i starten i november, 3, november for å vere eksakt.

3D-render av X3/X10

Nordroid har skrive om Sony Ericsson X3 før, kor me òg hadde ein video som viste Sony Ericsson sitt grensesnitt som dei putta oppå Android, på same måten som HTC Sense og MOTOBLUR.

Det ser òg ut til at telefonen kanskje kjem til å få ei namneendring før lansering. Det ser ut som telefonen skal skifte namn til X10. Dette er sjølvsagt rykter, men ein kjelde som jobber hjå Sony Ericsson hevder at det vert ei namneendring før lansering av telefonen.

Lekka bilete av X3/X10

Det som sjølvsagt er interessant er at telefonen kjem til å vere ein av dei kraftigaste og største telefonane som kjører Android. Forutan å kjøre den raske Snapdragonprosessoren til Qualcomm, har telefonen ein 4-tommars skjerm med ei oppløysning på 854×480.

Telefonen kjem òg til å kjøre Èclair, altså Android 2,0, noko som tyder at ein kan dra nytte av alle dei nye funksjonane ein kan vente seg i den neste versjonen av operativsystemet frå Google.

Me har tidlegare skrive at telefonen kunne lanserast i januar 2010, men no byrjer rykta å seie i løpet av dei fyrste åtte vekene av 2010. Det tyder at ein kanskje må vente heilt bort mot grensa av mars før ein ser X3/X10. Det som likevel er ganske sikkert er at ein kjem til å sjå telefonen i fyrste kvartal av 2010

Rachel-grensesnittet til Sony Ericsson:

Relaterte nyheter:

1. Sony Ericsson freister med video
2. Sony Ericsson X10 offisiell
3. Sony Ericssons Android debut kjem i Januar(?)