Dei ulike delane av Odroid

Denne gongen viser Odroid fram sine eigenskapar når det kjem til emulering. Den nye videoen viser ein person som speler Space Megaforce. Det vert derimot meir imponerande når det vert spelt på ein skikkeleg fjernsynsskjerm.

Det ein derimot kan spørre seg om er: treng ein verkeleg funksjonaliteten til å spele spel på ein bærbar konsoll på fjernsyn? Er ikkje heile poenget at ein slepp å ta med seg fjernsynet? Likevel er det utruleg greit om ein berre kan ta med seg Odroid-en og spele av videoar som ein har lagra på han og spele dei av i høg oppløysning på eit anna fjernsyn.

[via Pocket Gamer]

Relaterte nyheter:

1. Ny video av Odroid
2. Odroid vert lagd ut til førehandsbestilling i dag
3. Fyrste spelkonsoll med Android

Dei ulike delane av Odroid

No har det koreanske selskapet bak konsollen lagt ut høve til å førehandsbestille konsollen. Det er snakk om ein utviklarversjon, slik at utviklarar kan verte kjende med maskinvare, før han kjem på marknaden.

I pakken som koster rett under 2000 kroner får ein med konsoll, Android 1.5, 2GB internt minne på ei TFlash-brikke, 8GB SDHC-kort for brukardata og sjølvsagt data-/ladekabel, pluss straumadaptar – det vert ikkje nemnt kva type. I pakken får ein òg med eit ekstra batteri i tillegg til det som står standard i konsollen.

Konsollen har fått sleppdato i desember. Ein spesifikk dato har ikkje vorte sett,  men utviklarane har lova at konsollen skal vere ferdig og på marknaden til jul.

[via Slashgear]

Relaterte nyheter:

1. Ny video av Odroid
2. Meir Odroid…
3. Motorola Cliq/Dext vert kalla den beste Android-mobilen

Dei ulike delane av Odroid

No har det vorte offentleggjort ein ny video av Odroid som viser konsollen spele musikk. Det heile er kanskje ikkje så imponerande, men det verker til å vere grei lydstyrke og -kvalitet på høgtalaren som sit nede til høgre for skjermen.

Det som kanskje er mest interessant er kor godt Android kjører. Det er ingen spor til hakking når personen som viser fram enheten går gjennom menyar eller blar i menyar. Det er til no ikkje nokon enhet som kjører Android så glatt, så det er tydeleg at prosessoren frå Samsung hjelper på ytinga.

Relaterte nyheter:

1. Meir Odroid…
2. Odroid vert lagd ut til førehandsbestilling i dag
3. Fyrste spelkonsoll med Android

Ikkje det beste designet...

Om ein tek ein kikk på Android Market vil ein fort sjå at det ikkje er like godt utval i spel som det er på iPhone/iTouch, likevel håper HardKernel at folk vil kjøpe ein berbar spelkonsoll som har som hovudoppgåve å spele spel ein finn på Market.

Nyleg vart det derimot sluppe ein video, kor ein viser sjølve spelaren, Odroid, i bruk. I videoen er det tydelegvis installert ein emulator som gjer det mogleg å spele spel til ein av Nintendo sine spelkonsollar. Spelet som vert vist fram kjører dessutan utan noko form for hakking. Grunnen ligg delvis i at Odroid bruker same prosessoren som står i blant anna iPod Touch.

Ein annan funksjon som er særskild interessant er at enheten klarer å spytte ut 720p via ein HDMI-port. Dermed kan ein, slik som videoen viser, overføre bilete og lyd til ein flatskjerm enkelt og med god kvalitet. Sjølvsagt vil det vere utruleg avgrensa kor mykje ein klarer å få inn på dei 2 Gb som føgjer med som internminne.

Det som derimot skuffar er designet. Det er ikkje akkuratt noko HTC Hero for å seie det slik.  Ut frå bileta ser det ut til at Odroid er produsert i ein form for billigplast. Vekta på Odroid står oppført til å vere 165 gram med batteria i, noko som ikkje er særskild mykje for ein enhet på den storleiken. Det heile kan føre til at heile enheten får ei billig kjensle.

For dei av dykk som er interesserte så legg eg ved spesifikkasjonane:

Relaterte nyheter:

1. Meir Odroid…
2. Ny video av Odroid
3. Odroid vert lagd ut til førehandsbestilling i dag