Fram mot hendinga kor Motorola annonserte Cliq/Dext var det snakk om at dei skulle lansere alt frå ein til ti mobilar. Sjølv om mange så 10 som umogleg, var det likevel ikkje utenkjeleg at dei kom til å annonsere to mobilar, sidan ein hadde høyrt rykter om to mobilar som næra seg ferdige. Det viste seg at Motorola tykkte at det haldt med ein telefon på Mobilize 09 – Cliq/Dext.

Motorola Sholes ser ut til å kome i Oktober. Mobilen har passert FCC, som er eit godkjenningsorgan for elektronikk i USA. Det ser diverre ut som telefonen berre kjem til USA med det fyrste ettersom det ikkje ser ut til å vere støtte for GSM-mobilnett, berre CDMA (som vert brukt i USA).

Telefonen kjem elles godt utstyrt med Wifi, Bluetooth 2.0, aGPS, 3,7-tommars skjerm(!), med ei oppløysning på 480×854 pikslar. Telefonen har og fullt QWERTY-tastatur som er utskyvbart. Det ser ut til at Motorola difor vel å gå for dei i brukarmassen som liker å ha eit fysisk tastatur, i staden for eit såkalla mjuktastatur på skjermen.

[via Phandroid]

Relaterte nyheter:

1. Motorola Cliq/Dext vert kalla den beste Android-mobilen
2. 10 Android-telefonar på 10 månader
3. Motorola Cliq får skryt